Meta tag kya hai ? Meta tag ko blog ya website me kaise add kare ? - New Feature Blog : Blogging ki puri jankari हिन्दी में !

Monday, 13 June 2016

Meta tag kya hai ? Meta tag ko blog ya website me kaise add kare ?

Meta tag ek key information hota hai jo users aur Search Engine ko batlata hai ki aapka sites kis baare me hai. Key information me aapke site ke baare me kuch words hote hai. Jab koi users search engine me koi words ya sentence likhkar search karta hai to yah meta keywords search engine ko search karne me help karta hai.

Meta tags me aapke webpage ke baare me kuch keywords hote hai. Meta tag ko title, description, keyword and robot me likha jata hai lekin sabse jyada important title and description hota hai. Jab aap kisi site ko search karte hai to sabse pahle yahi dono title aur description show hota hai.


meta-tag-ko-blog-me-add-kare


Meta Tag Three Types Ke Hote Hai :-
  1. Meta-titles
  2. Meta-description
  3. Meta-keywords 

 1. Meta-titles

Apne website ko search engine me best rank par laane me meta tag bahut hi important  factor hota hai. Yah description and keyword tag ke upar <head> section me hota hai.

Title tag 10 se 60 character ke beech me hona chahiye. Aisa koi jaruri nahi ki aap title ko 10-60 character me hi likhe, isse adhik bhi likh sakte hai prantu agar aapka title small hoga to search engine usko aasani se search kar lega.

Kyoki search engine title ke longer part ko ignore kar deta hai, wah sirf title ke importants words ko hi search karta hai isliye aapka title small hona chahiye aur usme aisa important words hona chahiye jo ki jyada search me aate ho.

Example :- Agar aap kisi ke site ko search karte hai to us site Ka webpage open hota hai. Webpage me blue colour Ka Jo link hota hai wah meta title hota hai. Aur uske niche likha hua text meta description hota hai

 2. Meta-description

Meta-description directly title ke niche webpage me show hota hai. Meta description aapka is tarah se likha hua hona chahiye ki jisko padhkar log samajh jaye ki aapke website par unko kya-kya jankari mil sakti hai. Isliye aap meta description ko likhne me important words ka use kare. Meta description 160 character se adhik nahi hona chahiye.

Example :-  Kisi site ko search karne par, site ke webpage par jo link hota hai wah meta title hota hai aur uske niche meta description hota hai.

Agar aap meta description ko blog me add nahi karege to yah description webpage par show nahi hoga uske badle me aapke post Ka first 1-2 line sentence show hoga.


 3. Meta-keywords

Meta-keywords, meta-titles aur meta description ki tarah webpage par show nahi hota hai. Meta keywords <head> section me hota hai aur search engine is keywords ko hidden rup se search karta hai. Meta keywords 20 words se adhik nahi honi chahiye.

Is me aapko 20 aisa important ko likhna hai jo ki adhik search engine me aate ho. Aapka keywords aapke website ya blog se related hi hona chahiye. Each words ko comma ( , ) se separate kare.


Meta Tag Ko Blog Ya Website Me Add Karna Kyo Jaruri Hai ?

Bahut saare aise blogger hote hai Jo ki apne blog par post ko likhne me bahut mehnat karte hai, prantu unke blog par adhik visitors nahi aate hai. Iska sabse important karan meta tag ko apne blog ya website me add nahi karna hai.

Agar aap meta tag ko apne blog me add karte hai to search engine aasani se meta tag ke keyword ko search kar leta hai aur phir aapke blog ya website ke webpage ko show karta hai.

Isliye agar aapko apni site ki traffic badhani hai to aap meta tag
ko apni website me add kare. Agar aap meta tag ko add nahi karege to aapka site jaldi se search engine me nahi aayega.


Meta Tag Ko Blog Ya Website Me Add Kaise Kare ?

Meta code ko blog me add karne se pahle meta tag ke baare me kuchh jaan lete hai.

a.Description :-   Isme aapko apne blog ke baare me small sa notes likhna hai. Notes aapke blog ya website se related hona chahiye. Jaise ki mera blog internet se related hai to usme maine likha hai Internet se paisa Kaise kamaye, blog, social networking, blogging etc. ke baare me puri jaankari. Isi tarah se aapko bhi small description likhna hai. Description 200 character se adhik nahi hona chahiye.

b. Keywords :-  Isme aapko important words likhna hai. Agar aap apne website par blog, Internet etc. se related jankari dete hai to aap keywords me internet, blogging, blog, social networking, making money etc. tarah ke words likhe. Maine Jo keywords bataya, jaruri nahi hai ki aap wahi keywords likhe aap apne hisaab se words ko likhe, each words ko comma ( , ) se jarur separate kare. Keywords 20 words se adhik nahi honi
chahiye.

c. Author :-   Isme apna naam likhe.

d. Language :-  Aap blog par post ko kis language me likhte hai Hindi ya English jo bhi ho usko likhe.

e. Country :-  Isme apna country ka naam likhna hai.

f. Robots :-  Is tag ke dwara search engine ko batate hai ki hame apne blog ya website par kya show karna hai aur kya hide. Isliye aap is me All likhe.


Meta Tag Ko Blogspot Blog Me Kaise Add Kare ?


Step 1 

Sabse pahle aap blogger account me login kijiye. Login karne ke baad aapko blog Ka dashboard open hoga. Usme aap template option par click kijiye. Uske baad edit html par click kijiye.



Click-on-template-and-then-edit-html



Step 2 

Edit html par click karne ke baad, html page open hoga. Us page me cursor laakar Ctrl+F key dabaye. Uske baad ek small search box open hoga. Usme aap <head> likhkar search kijiye.


Step 3 

Ab niche diye hue code ko copy karke <head> ke niche paste Kar dijiye.

<META NAME = "description" CONTENT= "Yaha par apne blog Ka small description likhe"/>
<META NAME = "keywords" CONTENT= "Yaha par apne blog se related important words ko likhe"/>
<META NAME = "author" CONTENT = "Yaha par apna naam likhe"/>
<META NAME = "language" CONTENT = "Yaha par blog Ka language likhe"/>
<META NAME = "country" CONTENT = "Yaha par apne desh Ka naam likhe"/>
<META NAME = "robots" CONTENT = "All"/>


Notes :- Coding me aapko kuchh changing karna hai. Coding me inverted comma ke beech me red colour se jo sentence likha hua hai usko hatakar waha par apne hisab se likhe jaisa ki maine upar description, keywords, author, language, country, robot ke baare me batlaya hai.



Step 4 

Coding ko template me likh lene ke baad Save Template par click kijiye.

Ab aapka meta tag aapke blog me add ho gaya hai.

Conclusion :-
Agar aap thik tarah se meta tag ka use karte hai to aapke site Ka ranking search engine me increase karega aur visitor bhi aapke site par adhik aayege.




I hope ki aapko yah post pasand aaya hoga. Meta tag ko BlogSpot blog me add karne me koi problem aati hai to mujhe comment kare.

Agar aapko is post se kuch bhi jaankari mili ho to is post ko social sites par apne friends ke saath Share kare. Mere post ko Like karna na bhule.

No comments:

Post a Comment

Comment Rules :

1. Comments deemed to be spam or solely promotional in nature will be deleted.
2. Anonymous comments will be deleted. We only accept comment from posters who identify themselves.

About Admin