Saturday, 27 August 2016

Disclaimer Page Kaise Banaye Blog Ke Liye Aur Yah kyo Jaruri Hai



Disclaimer page me hamare blog ya site ke bare me bahut hi importants baate hoti hai. Jab koi new reader ya visitor hamare site par aate hai to we hamare site ke baare me puri tarah se janna chahte hai ki unhe hamare site par kya-kya jankariya milegi.

Site par jo content likha hua hai wah legal hai illegal. Hamare site par jo information di hue hai wah galat hai ya sahi.


disclaimer-page-kaise-banaye-blog-ke-liye

Visitor ke man me sawal hota hai ki kahi yah site fake to nahi hai. Isi tarah ke kitne hi aur bhi sawal reader ya visitor ke man me hote hai. Hamare reader ko in sabhi sawal ka jawab dene ka sabse achchha tarika hai apne site par disclaimer page ko bana kar lagana.


Is post me mai aapko bataunga ki apne blog/website ke liye disclaimer page kaise banate hai aur yah kyo jaruri hai.
Disclaimer Page Ko Blog Ya Site Ke Liye Banana kyo Jaruri Hai ?

  • Disclaimer page ka hamare site ke liye hona bahut hi jaruri hai. Hum apne site par jo bhi jankari apne reader ko dete hai, ho sakta hai usme kabhi kuchh galti ho jaaye to uski responsibility hamari hogi ya nahi hogi, iske liye hame legal tarike se rules ko banakar disclaimer page me likhna bahut jaruri hai. Isse reader ko hamari site ka truthfullness par vishwas hoga.
  • Koi bhi reader ya visitor hamare site par ke content ko hamare anumati ke bina copy kar sakta hai ya nahi, is baat ko discalimer page me likhna bahut jaruri hai.
  • Agar aap Google adsense ke liye aaply karna chahte hai to uske liye aapke blog par disclaimer, privacy, about us and contact us page ka hona bahut hi jaruri hai. Nahi to google adsense ki team aapke request ko accept nahi karegi aur disapprove kar degi.
  • Ab to aap samajh gaye hoge ki disclaimer page ko lagana kyo jaruri hai kyoki isse kisi bhi reader ya visitor ko hamare site ke parti vishwaas badhta hai.
  • Aap hamare site ke disclaimer page ko dekh sakte hai.



Disclaimer Page Me Kya-Kya Likhna Jaruri Hota Hai ?

 Terms Of Use

Sabse pahle aapko apne site ke terms ke baare me likhna hai. Terms of Use me aapko likhna hai ki hamare dawara jo  bhi information site par di jaa rahi hai unko reader ya visitor apni marji se padh rahe hai. Isme hamari taraph se aap par koi bhi pressure nahi hai.


 Copyright Policy

Isme aapko likhna hai ki aap jo bhi apne blog ya site par likhte hai uske aap legal copyright holder hai aur aapke permission ke bina koi bhi dusra blogger aapke  blog se content ko copy kar sakta hai ya nahi.


 Privacy Statement

Privacy Statement me aapko apne reader ko batana hai ki aap unki koi personal information ko kisi dusre blogger ya company ke saath share nahi karte hai. Aapki saari personal information secure hai. Saath me aapko yah bhi batana hai ki aap apne site par jo bhi ads advertisement ka use karte hai, unke liye jimmewar nahi hai. Reader ads advertisement ko apne risk par use karenge.


 Hold Harmless

Is term me aapko apne reader ko batana hai ki aap apne site par jo bhi information dete hai , uske liye aapke paas koi legal certificate nahi hai. Site me di hue hamari jaankari galat bhi ho sakti hai. Iske baare me mai aapko pahle se hi bata raha hu isliye aap apni risk par mere steps ko follow karege , iske liye mai jimmewaar nahi hunga.


 Reserve Right

Isme aapko likhna hai ki aapko apni site par pura adhikaar hai aap jab chahe tab apni site me changing kar sakte hai. Site ko sell kar sakte hai aur kisi bhi user ki comments , posts ko delete kar sakte hai.


 Advertiser & Sponser

Isme aapko likhna hai ki aap apni site ke advertiser or sponsers ke work ke prati aapki koi responsibility nahi hai aur na hi aap unke virudh kisi bhi action ko le sakte hai. Jab koi reader aapke site ke ads link se koi bhi product ko kharidta hai to usme company ka risk hoga aapka nahi aur koi bhi reader product ko apne risk par kharid rahe hai.


 Letters To The Editor

Last paragraph me aapko reader ya visitor ke liye site ke author se contact karni ki jaankari deni jaise ki contact form, contact number , email account etc. Saath me aapko contact karne ki policy ke baare me bhi likhna hai.


Mujhe aasha hai ki ab aapko disclaimer page banane me aasani hogi. Aap chahe to disclaimer page ko hindi me bhi bana sakte hai. Prantu agar aapko english me banani hai to iske liye bahut saare third party ke site hai jo aapke blog ke liye disclaimer page ko bana degi.


Disclaimer Page Kaise Banaye Blog Ke Liye ?

Step 1

Sabse pahle aap Easyriver.com ki site par visit kare.


Step 2

Ab ek form open hoga. Usme kuchh jaankari fillup karni hai.


newfeatureblog.com disclaimer form fillup klare

  1. Apne site ka naam likhe.
  2. Company ka naam likhe. (company nahi hai to site ka naam likhe)
  3. Apna country ka naam likhe.
  4. Apna email address likhe. Waisa email likhe jispar koi bhi user aap se contact kar sake.
  5. Lastly, Make my disclaimer par click kare.


Step 3

Ab aapke saamne ek page open hoga usme aapke blog ke liye disclaimer hoga.

Newfeatureblog.com copy disclaimer


Page ke pure disclaimer ko copy kar le. Copy kiye hue disclaimer ko aapko apne blog me add karna hai.



Disclaimer Page Ko Blog Me Kaise Add Kare ?

Disclaimer Page ko blog me add karne ke liye aapko ek page create karni hogi aur usme copy kiye hue disclaimer ko paste karke publish karni padegi.


Step 1

Sabse pahle aap blogger ke dashboard me jaaye. Uske baad


Newfeatureblog.com disclaimer page setting


  1. Pages par click kare.
  2. New page par click kare.



Step 2

Ab page editor open hoga.

Newfeatureblog.com paste the disclaimer in body


  1. Sabse pahle title me 'Disclaimer' likhe.
  2. Disclaimer ko aapne jo copy kiya tha usko body me paste kar de.
  3. Publish par click kare.


Ab aapka disclaimer page ban gaya hai. Ab is page ko aap ya to menu me add kare ya phir footer me add kare. Disclaimer page ko footer me add karne ka short tarika batlata hu.

blogger dashboard >> layout >> footer waala Add a Gadget >> pages >> Tick Disclaimer >> save


Ab aap new browser me apne blog post ko open karke check kijiye ki footer me disclaimer page add hua hai yaa nahi.



Agar aapko is post ko samajhne me problem aati hai to mujhe comment kar ke bataye. Mai aapki problem ko dur karne ki puri koshish karuga.

NewFeatureBlog ke sabhi new post ko direct apne email par pane ke liye Subscribe kare. Agar yah post aapko pasand aaya ho to ise facebook, twitter, google plus par share kare. 

No comments:

Post a Comment

Comment Rules :

1. Comments deemed to be spam or solely promotional in nature will be deleted.
2. Anonymous comments will be deleted. We only accept comment from posters who identify themselves.

About Admin